Avviżi tal-Parroċċa
28 ta’ Mejju 2023
Il-Ħadd 28 ta’ Mejju se ssir l-Inawgurazzjoni uffiċjali tat-tieqa l-kbira tal-Knisja Arċipretali li nbidlet f’dik ta’ Stained Glass bl-immaġni ta’ Santa Katarina fuqha. Fil-5.15pm se jsir programm żgħir u d-diskorsi. Fis-6.00pm jkollna quddiesa ta’ radd il-ħajr. Din l-inawgurazzjoni qed issir flimkien mas-Soċjetà Mużikali Santa Katarina.
L-Ewwel Tqarbina tat-tfal
Il-weekend li ġej niċċelebraw il-Festa tat-Trinità; fil-parroċċa tagħna jkollna l-Ewwel Tqarbina tat-tfal: nitolbu għalihom u għall-familji tagħhom biex jikbru fil-fidi u fl-imħabba lejn Ġesù fl-Ewkaristija.
- Matul din il-ġimgħa jkollna l-aħħar preparamenti għall-Ewwel Tqarbina: il-ġenituri huma mitluba jsegwu l-programm li ngħataw fiċ-ċentri tad-duttrina.
- Iċ-ċelebrazzjoni tal-Ewwel Tqarbina ssir s-Sibt u l-Ħadd fl-4.30pm.
- Minħabba l-Ewwel Tqarbina, il-quddiesa ta’ filgħaxija tas-Sibt u l-Ħadd li ġej se tkun fis-7.00pm.
Laqgħa ta’ Formazzjoni għall-Fratelli tal-Fratellanzi: Nhar il- Ġimgħa fis-7.15pm fil-Kappella ta’ San Bert.
Reġistrazzjoni Kindergarten
Il-Kap tal-Iskola Primarja jixtieq javża lil dawk il-ġenituri li wliedhom twieldu fis-sena 2020 u għadhom mhumiex miktuba għall-klassi tal-kindergarten biex jagħmlu dan l-iskola bejn it-8.30am u 12.00pm. Iż-żewġ ġenituri jridu jkunu preżenti u jieħdu magħhom il-Karta tal-Identità.
Nitolbu għal ruħ Lippu Pace li għadda għall-ħajja ta’ dejjem matul din il-ġimgħa: Agħtih, o Mulej…