Posts in category: Avviżi

Nhar it-Tnejn, 25 ta’ Novembru, niċċelebraw il-festa liturġika tal-Patruna tal-parroċċa tagħna, Santa Katarina. Għalhekk:

Il-Ħamis, ikun l-ewwel jum tat-tridu: se jkun dedikat bħala Jum id-devoti ta’ Santa Katarina; il-quddiesa ta’ filgħaxija tkun bis-sehem tal-banda Santa Katarina.

L-Ġimgħa, it-tieni jum: se jkun dedikat għall-anzjani u dak inhar, fil-quddiesa ta’ filgħaxija, jiġi ċċelebrat is-sagrament tal-Griżma tal-Morda.

Is-Sibt, it-tielet jum, fil-quddiesa ta’ filgħaxija jkollna l-preżentazzjoni tat-trabi u tfal lil Santa Katarina. Dawk il-ġenituri li jixtiequ jippreżentaw lit-tarbija tagħhom huma mitluba jiktbuhom fis-sagristija.

Il-Ħadd Lejliet il-Festa: fil-5.30 pm: Translazzjoni tar-relikwija ta’ Santa Katarina fil- knisja, Għasar u quddiesa kantata.

It-Tnejn, Jum il-Festa: fil-5.30 pm għasar u fis-6.00 pm quddiesa konċelebrata mexxija Minn Mons Charles Attard, bil-paniġierku mill- Patri Alan Adami OP; wara ssir purċissjoni fil-knisja, reposizzjoni tar-relikwija u tingħata l-Barka Sagramentali.

Iċ-ċelebrazzjonijiet ikunu animati mill-Kor Parrokkjali Cantae Domino u l-mużika ta’ lejliet u nhar il-Festa tkun taħt it-tmexxija ta’ Patri Anton Briffa.

It-Tnejn 18 u l-Erbgħa 20 ta’ Novembru fis-7.00 pm, fil-Każin tal-Banda Santa Katarina se jsiru riflessjonijiet dwar Santa Katarina minn Fr John Curmi.

Bħalissa qed issir lotterija b’risq din il-festa.

Assemblea Parrokkjali: Se ssir il-Ħamis, 28 ta’ Novembru 2024 fil-Knisja Arċipretali fis- 6.45pm. Kullħadd hu mistieden li jattendi.

Griżma tal-Isqof: Nkomplu biċ-ċelebrazzjonijiet tal-Griżma tal-Isqof lill-adoloxxenti tagħna, illum il-Ħadd fl-4.15pm. Għalhekk il- quddiesa ta’ wara il-Griżma tall-lum il-Ħadd se tibda fis-6.30pm

Quddiesa fil-Kappella ta’ Sant’ Andrija , Nhar il-Ħadd 17 ta’ Novembru fid-3.00pm imexxija minn Mons Carm Camilleri bis sehem tal-Cor Bel Canto.

Gurnata Sqallija – L-Erbgħa 4 ta’ Dicembru 2024 . Prezz 120 euro Biss. Fadal ftit postijiet

Għat-Terzjarji Karmelitani

• Ezerċizzi Spiritwali: it-Tnejn, It-Tlieta u l-Erbgħa  fl-4.00pm.
• Irtir nhar 21 ta’ Nov f’Bormla. Min hu interessat ikellem lil Carmen Farrugia.

Il-Fratellanza tas Sagrament u l-Qalb ta Ġesu ser tkun qedgħa tipparteċipa waqt il-Ġublew tat-Tama ġewwa l-Belt tal-Vatikan bejn is-16 u t-18 ta’ Mejju 2025. Kull min hu interessat jingħaqad magħhom għandu jagħmel kuntatt mas-Segretarju.

Ġabra b’risq l- iskejjel tal-knisja: Navżaw li l-ġbir li se jsir is-Sibt u l-Ħadd li ġejjin ser jmur  b’risq l-iskejjel tal-knisja biex dawn ikomplu jaqdu u jġibu ‘l quddiem il-missjoni tagħhom ta’ edukazzjoni tat-tfal u ż-żgħażagħ.

Il-Ġabra Speċjali li saret fi tmiem il-ġimgħa l-oħra kienet ta’ 1,120 Euro. Grazzi

Infakkru fil-Quddiesa fiċ-Ċimiterju: illum, il-Ħadd, fit-3.30 pm u wara isir it-Tberik tal-Oqbra

Nhar it-Tnejn, il-quddiesa ta’ filgħaxija se tkun offruta għas-saċerdoti Mejtin. Il-quddies l-ieħor ta’ filgħaxija se jkunu b’suffraġju tal-imseħbin fil-fratellanzi tal-parroċċa.; it-Tlieta: ta’ Santu Rokku; l-Erbgħa: tal-Madonna tal-Karmnu; il-Ħamis: tas-S.S. Sagrament u l-Qalb ta’ Ġesù; il-Ġimgħa: tal-Madonna tar-Ruzarju. It-Tnejn ta’wara: Fratellanza ta’ San Ġużepp. L-imseħbin fil-fratellanzi għandhom jattendu.

Griżma tal-Isqof: Nhar s-Sibt u l- Ħadd se niċċelebraw il-Griżma tal-Isqof lil-adoloxxenti tagħna. Is-Sibt ser tibda’  fl-4.30pm, filwaqt li l-Ħadd tkun 4.15pm . Bi preparazzjoni għall-griżma ser isisru Laqgħa għall-Ġenituri u Parrini, Nhar il- Ħamis li ġej, fis7.00pm fil- Knisja Arċipretali. Jkun hemm is-servizz tal-Qrar.

Laqgħat oħra matul din il- ġimgħa:

• Għall-Anzjani, Nhar it-Tnejn fid-9.00am Fl- Oratorju
• għat-Terzjarji Karmelitani, nhar it-Tlieta fl-4.00pm
• Laqgħa ta’ Talb Fil- Knisja ta’ Bubaqra , nhar l-Erbgħa fis-6.30m
• Laqgħa tal-Grupp Padre Pio, nhar il- Ġimgħa fil- Kappella ta’ sAn gAkbu, fil-5.30pm

Gurnata Sqallija – L-Erbgħa 4 ta’ Dicembru 2024 . Prezz 120 euro Biss. Il- Prezz jinkludi:Transport miż-Żurrieq għall-Katamaran u lura; Il Katamaran, Coach il-ħin kollu magħna; ngħaddu sal-Monti ta’ Catania, fejn ikollhom ħafna affarijiet relatati mall-Milied; Ikla Buffett; Centru Sicilia ( fejn hemm il- Primmark). Min hu interessat ikellem lill-Arċipriet. Postijiet limitati.

Infakkru fit-twaqqif tal Grupp li ser jieħu ħsieb it-Tindif tal-Knisja Arċipretali:,min hu interessat li jgħin, hu mitlub li javviċina lill-Arċipriet.

Ċelebrazzjoni lejlet  il-Festa tal-Qaddisin Kollha – TFAL, ANGLI U QADDISIN li saret nhar il-Ħamis inġabru is-somma ta’  13, 025 Euro b’rizq Puttinu Cares. Il- Parroċċa u s-Soċjeta’ tal- Mużew , kemm Bniet u Subien flimkien mal-organizzaturi ta’ Żurrieq Halloween, nixtiequ nirringrazzjaw lil dawk li attendew. Puttinu Cares jirringrazzjaw lil kulħadd tal- ġenerożita’ tagħkom.

Il-Fratellanza tas Sagrament u l-Qalb ta Ġesu tħabbar li ser tkun qedgħa tipparteċipa waqt il-Ġublew tat-Tama ġewwa l-Belt tal-Vatikan bejn is-16 u t-18 ta’ Mejju, 2025. Bħalissa qedgħin nilqgħu l-booking ta’ dawk kollha li huma interessati li jingħaqdu magħna bħala fratelli, sorelle. Kull min hu interessa għandu jagħmel kuntatt mas-Segretarju.

Nitolbu għal oħtna Lola Caruana mill-parroċċa tagħna li għaddiet għall-ħajja ta’ dejjem  Agħtiha o Mulej.

Illum Il-Ġabra Speċjali B’risq il-Parroċċa. Nkunu Ġeneruzi.

Celebrazzjoni lejlet  il-Festa tal-Qaddisin Kollha – TFAL, ANGLI U QADDISIN

Nhar il, Ħamis,  31 ta’ Ottubru , propju lejlet il- Festa tal-Qaddisin kollha, se ntellgħu attivita għat-tfal u l-familji  bit-tema  – TFAL, ANGLI U QADDISIN. Din l-attivitaqed tkun ikkordinata mis-socjeta tal-Muzew Subien u  Bniet u Tim tad-Toddlers,  fi Triq Fra Gammari Zammit. It tfal huma mħeggin jilbsu kuluri ċari, ta’ qaddisin jew ta’ anġli. L-attivita’ u l-quddiesa se jibdew fil 5.30pm sas 6.30pm . Wara se jkun hemm diversi attivitajiet u logħob addattati għat-tfal. Id-dħul għall-area tal-logħob wara il-quddies se jkun ta’ donazzjoni ta’ 2 euro li se jmorru għall-Puttinu Cares.

Nhar il-Ġimgħa hija l-ewwel Ġimgħa tax-xahar u Jum il- Qaddisin

Jum l-Erwieħ kollha, Nhar is-Sibt, 2 ta’ Novembru. Filgħodu, il-quddies fil-knisja parrokkjali jibda fil-5.30a.m. u jibqa sejjer sat-8.00 a.m. Il-quddiesa ta’ filgħaxija tkun fis-6.00. Fil-kappella tan-Nigret ikun hemm quddies fis-6.45am u fil-5.00pm. Fil-knisja ta’ Bubaqra ikun hemm quddiesa fis-7.30am u fis-6.30pm.

Quddiesa u it-Tberik tal- Oqbra  taċ-Ċimiterju se ssir  nhar il-Ħadd, fit-3.30 pm. Huwa mitlub li t-tindif tal-oqbra jsir sas-Sibt filgħodu kemm jista’ jkun kmieni.

Gurnata Sqallija – L-Erbgħa 4 ta’ Dicembru 2024 . Prezz 120 euro Biss. Il- Prezz jinkludi:

Transport miz-Zurrieq għall-Katamaran u lura; Il- Katamaran, Coach il-ħin kollu magħna; ngħaddu sal-Monti ta’ Catania, fejn ikollhom ħafna affarijiet relatati mall-Milied; Ikla Buffett; Centru Sicilia ( fejn hemm il- Primmark). Min hu interessat ikellem lill-Arċipriet. Postijiet limitati.

Grupp li ser jieħu ħsieb it-Tindif tal-Knisja Arċipretali: Min hu interessat li jgħin biex inżommu il-Knisja Arċipretali nadifa, hu mitlub li javviċina lill-Arċipriet. Fil-ġranet li ġejjin se jitwaqqaf mill-ġdid il-grupp li jgħin biex nikkordinaw it-tindif fil-Knisja. Napprezzaw kull min jista’ jgħin.

Nirringrazzjaw lil kulħadd għall-ġabra li saret il-weekend li għadda b’risq il-missjonijiet u li kienet ta’ € 3,010.

Fostna hawn Voluntiera tal- Hospice fuq iz-zuntier tal-Knisja biex jiġbru għall-hidma li qed titwettaq mill-hospice.

Nitolbu għal ruħ :Angela Busuttil u  Emanuela Camilleri , li  għaddew għall-ħajja ta’ dejjem matul din il-ġimgħa: Agħtihom o Mulej, …

Laqgħat għall-Addolloxxenti li se jirċievu il-Griżma

Matul din il-Ġimgħa l-Adollexxenti li se jirċievu l-Griżma tal-Isqof f’Novembru, se jkollhom il-laqgħat personali mall-Arċirpiet fil-Mużew tal-Bniet u tas-Subien rispettivament.  Min għadu ma nagħatax ġurnata u ħin, importanti li jkellem lis-Superju jew Superjura.

Anniversarju Konsagrazzjoni tal-Knisja Arċipretali

Nhar il-Ħadd li ġej niċċelebraw l-Anniversarju tal-Knisja Arċipretali. Fl-intenzjoni tagħna matul din il-ġimgħa niftakru f’missirijietna li ħallewlna dan il-patrimonju tant għal qalbna. Pero il- Knisja mhux il-bini biss, iżda hija aħna li niffurmaw din il- kommunita’. Għalhekk qed nagħmlu sejħa għal dawk li jixtiequ jagħtu sehemhom dirett fil- parroċċa f’xi qasam jew ieħor, importanti jkellmu lill- Arċipriet.

Celebrazzjoni lejlet  il-Festa tal-Qaddisin Kollha – TFAL, ANGLI U QADDISIN

Nhar il 31 ta’ Ottubru , propju lejlet il- Festa tal-Qaddisin kollha, il- parroċċa flimkien mall- familji li jorganizzaw Zurrieq Halloween se ntellgħu attivita għat-tfal u l-familji  bit-tema  – TFAL, ANGLI U QADDISIN. Minn naħa tal parroċċa se norganizzaw Quddiesa kkordinata mis-socjeta tal-Muzew Subien u  Bniet fi Triq Fra Gammari Zammit. It tfal huma mħeggin jilbsu kuluri ċari, ta’ qaddsin jew ta’ anġli. L-attivita’ u l-quddiesa se jibdew fil 5.30pm sas 6.30pm . Wara se jkun hemm diversi attivitajiet u logħob addattati għat-tfal. Id-dħul għall-area tal- logħob wara il-quddies se jkun ta’ donazzjoni ta’ 2 euro li se jmorru għall-Puttinu Cares.

Taize meeting

Nhar il-ġimgħa se jerġgħu jibdew il-laqgħat stil Taize fil- Kappella ta’ San Ġakbu fis-7.00pm Kulħadd hu mistiden li jingħaqad għall dan il-mument ta’ talb.

______________________________________________________________

Illum,  il-Ħadd, qed nniċċelebraw il-ĠURNATA MISSJUNARJA: matul din il-ġimgħa nitolbu biex l-aħbar it-tajba tal-Evanġelju tasal għand il-bnedmin kollha. Il-ġbir li se jsir fil-weekend li ġej se jkun offerta b’risq il-missjonijiet. . L-offerti tagħna jmorru għal diversi ħidmiet fl-artijiet tal-missjoni, li jinkludu x-xandir tal-Evanġelju, il-formazzjoni tas-seminaristi u katekisti, il-bini ta’ sptarijiet u skejjel u għajnuna lill-familji foqra.

Xahar iddedikat għat-talba tar-Rużarju

Infakkru li fil-knisja arċipretali, ir-rużarju jingħad filgħodu, qabel il-quddiesa tas-6.00 u wara l-quddiesa tat-7.45; filgħaxija, fis-6.00 pm jingħad quddiem Ġesu Sagramentat espost. Barra minn hekk, ir-rużarju jingħad ukoll fil-kappella ta’ San Ġakbu fit-3.00 pm kuljum.

It-Tnejn issir il-professjoni ta’ dawk li se jipprofessaw fil-fratellanza tar-Ruzarju fil- quddiesa tas-6.30pm. Wara il- quddiesa se jiġu ipprezentati 2 stadndardi , wieħed qadim li ġie trasportat fuq drapp ġdid u l-ieħor ġdid.

Nhar il-Ħadd (bħal llum gimgħa) niċċelebraw il-festa tal-Madonna tar-Rużarju. Fis-6.00 pm quddiesa kantata bis-sehem tal-kor parrokkjali u wara purċissjoni.  

Laqgħat:

• Laqgħa għall-Anzjani, nhar it-Tnejn fit-8.30am fl-Oratorju

Quddiesa b’suffraġju ta’ ħutna li mietu matul ix-xahar ta’ Settembru

Nhar il-Ħamis il-quddiesa ta’ filgħaxija se tkun. Il-familjari huma mistiedna jieħdu sehem.

Piittura tal-Artal tal-Madonna tal- Karmnu għar-Restawr

Il-Pittura tal-artal tal-Madonna tal-Karmnu, ittieħdet għar-Restawr. Sakemm qed isir ix-xoghol fuqu, twaħħal fuq l-artal il-kwadru antik tal-istess artal. Kull donazzjoni hi apprezzata. 

Quddiesa u Adorazzjoni b’talb speċjali għall-vokazzjonijiet fil-Kappella tas-Seminarju. Kull tieni sibt tax-xahar fis-6pm qed issir il-Quddiesa u Adorazzjoni b’talb speċjali għall-vokazzjonijiet fil-Kappella tas-Seminarju. Id-darba li jmiss ser tkun nhar is-Sibt li ġej . Fis-6.00pm quddiesa u fis-6.45pm adorazzjoni bit-talba tar-rużarju u barka. Tajjeb li nagħrfu l-bżonn li nitolbu lill-Mulej biex jibgħat aktar ħaddiema fil-għalqa tiegħu

Nitolbu għal ruħ Annuntiata Scicluna u George Grixti għaddew għall-ħajja ta’ dejjem matul din il-ġimgħa: Agħtihom o Mulej, …

Xahar iddedikat għat-talba tar-Rużarju

It-Tlieta, jibda x-xahar ta’ Ottubru, xahar iddedikat għat-talba tar-Rużarju. Inħeġġu biex din it-talba tingħad fil-familji tagħna. Fil-knisja arċipretali, ir-rużarju jingħad filgħodu, qabel il-quddiesa tas-6.00 u wara l-quddiesa tat-7.45; filgħaxija, fis-6.00 pm jingħad quddiem Ġesu Sagramentat espost. Barra minn hekk, ir-rużarju jingħad ukoll fil-kappella ta’ San Ġakbu fit-3.00 pm kuljum mill-Fratellanza tal-Madonna tar-Rużarju.

Laqgħat:

• Azzjoni Kattolika: Jerġgħu jibdew il-laqgħat tan-nisa tal-Azzjoni Kattolika; ikomplu jsiru kull nhar ta Tlieta, fl-Oratorju fid-9.00am u jmexxihom Noel Camilleri D’Amato
• Laqgħa għat-Terzjarji u devoti tal-Madonna tal-Karmnu: Tlieta fl-4.00pm.
• Laqgħa ta’ talb: Nhar l-Erbgħa fis-6.45 pm, fil-kappella ta’ Bubaqra.
• Attivita organizzata  għat-Tfal l-ġenituri li jattendu il-Katekizmu fin- Nigret se tkun organizzata nhar s-Sibt bl- isem Jesus Fest fil- bitħa tas-Sorijiet.
• Nhar il-Ġimgħa hija l-ewwel Ġimgħa tax-xahar.

IL-Ħadd il-quddiesa tad-9.30am tad-Toddlers + se tinkludi it-Tberik tal-Annimali marbuta mall-Festa ta’ San Franġisk, għalhekk il-quddiesa se ssir fuq iz-Zuntier, jekk it-temp jippermetti.

Proġett marbut mad-Dar Parrokkjali

 Il-Parroċċa daħlet applikazzjoni għal-permess mal-Awtorita’ tal-Ippjanar, għal-kumpless tad-Dar Parrokkjali. L-applikazzjoni tkopri r-restawr tal-faċċati u tat-Torri Puniku, u l-ftuh ta’ partijiet mid-dar u l-ġnien għall-pubbliku. Hu ppjanat li tinħoloq attrazzjoni turistika, fejn vizitaturi jkunu jistgħu igawdu aħjar il-patrimonju tal-parroċċa taghna. Dan il-proggett ambizzjuz jiddependi minn fondi Ewropej, li ghalihom diga’ saret applikazzjoni permezz tal-Kurja.

Il-grupp tal-fund raising tal-parroċċa se jorganizza Kikra kafe’ jew Tazze te’, li tinkludi it-tombla nhar s-Sibt li ġej fit-3.30pmfil-bitħa tal-Oratorju. Tinkitbu tis-Sagristija.

Nitolbu għal ruħ Guzeppi Farrugia għadda għall-ħajja ta’ dejjem matul din il-ġimgħa: Agħtiha, o Mulej, …

Infakkru fir-Registrazzioni ghall-Katekizmu

• Ghat-Tfal Subien li telgħin year 2: Registrazzioni qed issir il- Muzew tas-Subien Stess.
• Ghat-Tfal Bniet: ir-Registrazzjoni issir I- Ufficcju Parrokkjali.
• Katekizmu Nigret: Min hu interessat ikellem lil Fr Nicholas

Grizma tal-Isqof

• Nappellaw lill-genituri tat-tfal li se jagħmlu I-Griżma din is-sena li dawk li għadhom ma ġabux I-karta tal-parrini biex iġibuha I-Ufficcju Parrokkjali. Ma nħallux għall-ahhar.
• Il- Laqgħa personali mall-Arċipriet ghal dawk I-adolloxxenti li se jirċievu is-Sagrament tal-Griżma f’ Novembru se ssir fiċ-Ċentri tal- Katekiżmu stess. Il- Ġranet se jingħataw mill-Katekeżi.

Il-grupp tal-fund raising tal-parroċċa se jorganiżża Kikra kafe’ jew Tazze te’, li tinkludi it-tombla nhar s-Sibt 5 ta’ Ottubru fil-bitħa tal-Oratorju; biljetti jinkisbu mingħand il-membri tal-grupp tal-Fundraising

Il-Ġabra li saret B’ Risq I-Art Imqaddsa fi tmiem il- ġimgħa l-oħra kienet ta’ €1,300. F’Isem il- Patrijiet Fraġiskani li għandhom jwetqu missjoni f’ din l-Art, nirringrazzjawkom.

Nitolbu ghal ruħ Giuzeppa Abela li għaddiet għall-ħajja ta’ dejjem matul din il-ġimgħa: Agħtiha, o Mulej, …

Festa ta’ S. Rokku : Illum il-Ħadd , fil-parroċċa tagħna, niċċelebraw il-festa ta’ S. Rokku. Fis-6.00pm issir quddiesa bis-sehem tal-kor parrokkjali u wara purċissjoni li tgħaddi mit-toroq tas-soltu. Imexxi il- Mons Karm Camilleri

Registrazzjoni għall-Katekiżmu

• Għat-Tfal Subien li telgħin year 2:  Registrazzjoni qed issir il-Mużew tas-Subien Stess.
• Għat-Tfal Bniet: ir-Registrazzjoni issir l- Ufficcju Parrokkjali.
• Katekiżmu Nigret: Min hu interessat ikellem lil Fr Nicholas

Griżma tal-Isqof

• Nappellaw liIl-ġenituri tat-tfal li se jagħmlu l-Griżma din is-sena li dawk li għadhom ma ġabux l-karta tal-parrini biex iġibuha  l-Uffiċċju Parrokkjali.  Ma nħallux għall-aħħar.

• Dawk l-adolloxxenti li se jirċievu is-Sagrament tal-Griżma f’ Novembru,  fil-ġranet li ġejjin se jiġu msejħa għal-laqgħa personali mall-Arċipriet. Iktar informazzjoni se tingħata miċ-Ċentri tal-Katekeżi.

JUM L-ART IMQADDSA :. Nitolbu wkoll għall-missjoni tal-Patrijiet Franġiskani f’din l-art. Il-ġbir li qed issir f’dan il- weekendse jkun bħala offerta b’risq din il-missjoni.

Waqt li nirringrazzjaw lil kulħadd għas-sehem mogħti fiċ-ċelebrazzjoni tal-festa ta’ Santa Katarina, infakkru li llum (għada), il-quddiesa tal-110.45 am tkun offruta b’ringrazzjament għall-festa li għadna kif iċċelebrajna. Wara l-quddiesa, is-saċerdoti tal-parroċċa jdaħħlu l-vara ta’ Santa Katarina lura fin-niċċa.

Quddiesa b’suffraġju ta’ ħutna li mietu matul ix-xahar t’Awwissu, nhar il-Ħamis fis-6.30pm. Il-qraba u ħbieb huma mistiedna jieħdu sehem.

Festa ta’ S. Rokku : Nhar il-Ħadd li ġej, fil-parroċċa tagħna, niċċelebraw il-festa ta’ S. Rokku. Fis-6.00pm issir quddiesa bis-sehem tal-kor parrokkjali u wara purċissjoni li tgħaddi mit-toroq tas-soltu. Imexxi il- Mons Karm Camilleri

JUM L-ART IMQADDSA : Il-weekend li ġej se jiġi mfakkar JUM L-ART IMQADDSA: nitolbu lill-Mulej biex idawwal l-imħuħ u jmexxi l-qlub biex f’din l-art tant għażiża għalina issaltan il-paċi. Nitolbu wkoll għall-missjoni tal-Patrijiet Franġiskani f’din l-art. Il-ġbir li se jsir fil-quddies tas-Sibt u l-Ħadd li ġejjin se jkun bħala offerta b’risq din il-missjoni.

Proġett Siġġijiet: Nixtiequ nirringrazzjaw lil dawk li qed jikkontribwixxu fil-proġett tas-siġġijiet ġodda għall-Knisja Arċipretali.  Il-flus li nġabru matul din il-ġranet jammontaw għall-750 euro. Is-Siġġijiet inġabru kollha. Li fadal issa l-aħħar 6 ġinokjaturi ta’ fuq quddiem biex b’hekk dan il-proġett jingħalaq b’mod pulit. Ħajr kbira lil beneffatturi kollha.

Nitolbu għal Nina Schembri u Maria Carmela Ciantar li għaddew għall-ħajja ta’ dejjem matul din il-ġimgħa: Agħtiha, o Mulej, …