Posts in category: Avviżi

Quddies fiż-Żoni u Tberik 2024

Bħalma għamilna s-sena l-oħra, minn nhar it-Tlieta se nibdew il-quddies fl-14-il Żona  jsiru f’dawn ix-xahrejn li ġejjin.   F’kull żona se tkun iċċelebrata quddiesa għan-nies tal-madwar. Wara l-quddiesa, kull familja tingħata kontenitur bl-ilma mbierek u santa tat-tberik. B’hekk membru tal-familja jista’ jbierek lill-familja u d-dar.

Il-quddiesa tibda fis-7.00 pm. Qabel il-quddiesa se jkun hemm servizz tal-qrar u wara l-quddiesa mħeġġin nibqgħu ftit tal-ħin flimkien biex nitkellmu ftit bejnietna f’atmosfera soċjali. L-Arċipriet se jkun disponibbli biex min ikun irid ikellmu jkun jista’ jagħmel dan. Idealment kulħadd jattendi għall-quddiesa fiż-żona indikata, għaliex l-iskop huwa wkoll li jissaħħaħ is-sens ta’ għaqda fost il-ġirien. Pero’ jekk għal xi raġuni wieħed ma jkunx jista’, huwa mħeġġeġ jattendi f’waħda minn dawn l-attivitajiet, speċjalment f’xi żona viċina. Fl-istess ħin infakkru li dan se jkun mument għal dik iż-żona biss u mhuwiex l-iskop ta’ dawn il-mumenti li niġbru nies mill-Parroċċa kollha f’żona waħda. Il-quddies li qed isir fil-knejjes tagħna se jibqa’ jsir b’mod normali. Tradizzjonalment fit-tberik wieħed kien jagħti offerta għall-Knisja. Min irid jista’ jibqa’ jagħmel dan. Kull offerta hija apprezzata.

L-Ewwel Żona

Taħt iċ-Ċint, Nigret, Nhar it-Tlieta, li tinkludi Triq Wied Babu, Togores, Miżieb, Ġianferli’, Zondadari, Gio Batta Saydon, Franġisk Coleiro, Benedittini, Luret Zammit, Ġużepp Farrugia, u Misraħ San Ġorġ, Triq il-Kanġu, Widnet il-Baħar, Karmnu Zammit, GM Borg, Xandru D’Amato, Wied, Ferdinandu Falzon, Franġisk Bugeja, Merill, Antonia Farrugia, Qroll u Tunnara. Blue Grotto Ave. minn Wied Babu sat-Tunnara.

It-Tieni Żona

Il-Bandli  se ssir nhar il-Ġimgħa, li tinkludi Triq Carmelo Caruana, Stefano Zerafa, Triq il-Qrendi, Dun Ġużepp Zammit, Triq Santu Formosa, Triq l-Imqabba, Blue Grotto Avenue, Triq Santa Katarina u Triq il-Ħaddiem.

Jibdew L-Erbgħat tal-Karmnu

Nhar l-Erbgħa jibdew l-Erbgħat tal-Karmnu. Fis-7.00 pm jingħad ir-Rużarju u fis-6.30 pm ssir il-quddiesa, tingħad il-Kurunella u barka sagramentali. Matul l-Erbgħat ikun hawn qassis barrani għall-qrar mill-5.00 pm ’il quddiem.

Festa tal-Ħniena Divina

Nhar il-Ħadd li ġej hija l-Festa tal-Ħniena Divina; għalhekk, fil-5.00 pm issir l-adorazzjoni tal-Ħniena Divina u wara nkomplu bil-quddiesa. Inħeġġu lil kulħadd biex jieħu sehem.

Nitolbu għal ruħ Felic Grech li għadda għall-ħajja ta’ dejjem matul din il-ġimgħa:

• Agħtih, o Mulej.

Qegħdin nagħtu bidu għall-Ġimgħa Mqaddsa li tfakkarna fl-akbar imħabba:

Illum (Għada) wara l-quddiesa tat-8.15 am, isir it-tberik tal-friegħi taż-żebbuġ ħdejn il-kappella ta’ San Bert u wara purċissjoni sal-knisja fejn tkompli l-quddiesa solenni ta’ Ħadd il-Palm.

Via Sagra:  It-Tnejn, wara l-quddiesa ta’ filgħaxija, issir il-festa tal-Via Sagra fil-knisja arċipretali bis-sehem tal-kor parrokkjali.

Nhar il-Ħamis huwa Ħamis ix-Xirka: Il-funzjoni tkun fis-6.00 pm. Fit-7.30 pm jibdew l-adorazzjonijiet.

Il-Ġimgħa ssir it-Tifkira tal-Passjoni u l-Mewt ta’ Sidna Ġesù Kristu: Fis-6.30 am jibdew l-adorazzjonijiet quddiem l-Ewkaristija. Fit-3.00 pm il-ħin tal-funzjoni.

Nhar is-Sibt huwa s-Sibt Qaddis tal-Għid. Il-funzjoni tkun fit-8.15 pm. Nhar is-Sibt ukoll se jkollna konfessur barrani għall-qrar mill-5.00 pm  ’il quddiem.

Il-Ħadd niċċelebraw b’ferħ kbir il-Qawmien tal-Mulej għall-ħajja. 

(Il-funzjonijiet ta’ din il-Ġimgħa Mqaddsa, fil-knisja arċipretali, ikunu animati mill-Kor Parrokkjali CANTATE DOMINO.)

It-tfal huma mistiedna jġibu l-karus ta’ mħabba li huma ngħataw għal żmien ir-randan; l-offerti miġbura jmorru b’risq id-Dar tal-Providenza.

It-Tberik tal- Figolli u l-Bajd tal-Għid jitbierku ,nhar l- Għid il-Kbir wara il-quddiesa tat 8.30am u tad-9.30am

Wirja marbuta mall-Ġimgħa l-Kbira ser ssir ġewwa l-Kappella ta’ Sant’ Andrija u l-Mitħna tax-Xarolla.

Dramm tal-Passjoni – Initium  se jittella’ fuq iz-zuntier tal-Knisja t-Tlieta 26 ta’ Marzu. Min hu interessat għall-biljetti jgħaddi l-Kunsill Lokali.

Nitolbu għal ħuna mill-parroċċa li għadda għall-ħajja ta’ dejjem din il-ġimgħa: Publius Farrugia . Agħtih, o Mulej, …

Din il-ġimgħa se jkollna l-aħħar kors ta’ Eżerċizzi fil-parroċċa: Se jkun għal kulħadd u jsir fil-knisja arċipretali waqt il-quddiesa tas-6.00pm u jmexxi Patri Pawl Scerri.

It-tfal huma mistiedna jġibu l-karus ta’ mħabba li huma ngħataw għal żmien ir-randan; l-offerti miġbura jmorru b’risq id-Dar tal-Providenza.

Kunċert ta’ Mużika Sagra: Nhar il-Ħamis, fis-7.30 pm fil-knisja ta’ Bubaqra, is-Soċjetà Mużikali Santa Katarina V.M. b’kollaborazzjoni mal-Arċipriet u l-Kleru għall-okkażjoni ta’ Jum id-Duluri u l-Ġimgħa Mqaddsa. Kulħadd hu mistieden.

Qrar: Bi tħejjija għall-festa tad-Duluri nhar il-Ħamis u nhar il-Ġimgħa se jkollna saċerdot barrani għall-qrar  filgħaxija mill-5.00 pm ’il quddiem.

Jum id-Duluri. Jixraq li nqaddsu dan il-jum bis-sawm jew b’xi att ta’ sagrifiċċju u billi nieħdu sehem fil-Quddiesa.

Fil-5.00 pm issir quddiesa u wara ssir il-purċissjoni bl-istatwa tad-Duluri. Minħabba xogħlijiet li għaddejjin, il-Purċissjoni ser tgħaddi minn Triq Pietru Pawl Saydon, Misraħ Mattia Preti, Triq Ġużepp Zammit, Blue Grotto Avenue (Service Road), Triq L-Imqabba, Triq il-Ħaddiema u nitilgħu lura minn Triq PP Saydon għall-Knisja.  Mad-dħul tal-purċissjoni ssir quddiesa bil-priedka bħala għeluq tal-eżerċizzi minn Patri Pawl Scerri

• Il-quddiesa fil-knisja ta’ Bubaqra tkun fis-7.30 am.
• Nhar il-festa tad-Duluri, l-Uffiċċju Parrokkjali ma jkunx miftuħ.

Mid-Duluri sal-Ġimgħa l-Kbira għandha tkun għalina Ġimgħa ta’ Sagrifiċċju: Aħna mistiedna biex bil-flus li niffrankaw ngħinu lil ħutna fil-bżonn; għalhekk ħdejn il-bibien tal-knisja se jkun hemm kaxxi biex fihom inpoġġu offerti ta’ flus għall-Assistenza Soċjali tal-Azzjoni Kattolika; bl-offerti tagħna, aħna nistgħu nkunu dawl għal ħaddieħor li jkun fil-bżonn.

Nhar il-Ħadd nagħtu bidu għall-Ġimgħa Mqaddsa u niċċelebraw it-tifkira solenni tad-Daħla ta’ Ġesù f’Ġerusalemm. Fid-8.15 am isir it-tberik tal-friegħi taż-żebbuġ ħdejn il-kappella ta’ San Bert u wara, purċissjoni għall-knisja arċipretali fejn tkompli l-quddiesa solenni li tkun bil-qari tal-Passju.

Wirja marbuta mall-Ġimgħa l-Kbira ser ssir ġewwa il-Kappella ta’ Sant’ Andrija u l-Mitħna tax-Xarolla.

Dramm tal-Passjoni – Initium  se jittella’ fuq iz-zuntier tal-Knisja t-Tlieta 26 ta’ Marzu. Min hu interessat għall-biljetti, jgħaddi l-Kunsill Lokali.

Il-Kummissjoni Djakonija

Infakkru li ħarġu  “Referral Applications” mill-Kummissjoni Djakonija,  li wieħed hu nkoraġġut li jimla jekk persuna hi f’xi bżonn u jew jekk jiltaqa’ ma’ xi ġar jew xi ħadd li jħoss li bħala kummissjoni jkunu jistgħu jkunu ta’ għajnuna. L-applikazzjonijiet jiġu miġbura mill-Arċipriet li jieħu ħsieb li jikkuntattja lil dawk li ġew riferuti. Jekk dawn jaċċettaw, il-każ tagħhom jiġi studjat mill-kummissjoni biex  jaraw kif  jistgħu jkunu ta’ għajnuna.

Infakkru fil-Korsijiet  ta’ Eżerċizzi li se jibdew minn nhar it-Tnejn:

Għall-koppji – Fil-Knisja Arċipretali fis-6:30pm , wara l-quddiesa ta’ filgħaxija u se jmexxihom Fr Kevin Schembri.

Għal Kulħadd fil-Kappella tan-Nigret:  fis-6:00 pm waqt il-quddiesa.  Imexxi Fr Joe Galea. (Fil-Kappella tan-Nigret minn nhar it-Tnejn sa nhar il-Ġimgħa ma ssirx il-quddiesa ta’ filgħodu).

Via Sagra fit-Toroq ta’ Bubaqra

Via Sagra fit-toroq ta’ Bubaqra nhar l-Erbgħa 13 ta’ Marzu fis-6:30 p.m. Il-Via Sagra tibda mill-Knisja ta’ Bubaqra. Il-Via Sagra qed tkun ikkoordinata mill-Kumitat Pastorali ta’ Bubaqra flimkien ma’ Youthfusion Żurrieq. F’każ li jkun il-maltemp il-Via Sagra ssir fil-Knisja.

( Toroq  tal-Via Sagra:  Triq ir-Rettur Dun Salv Farrugia, Bubaqra, it-Tin, Zaccaria Roncalli, it-Torri, Santa Fawstina, San Ċiru, l-Imtali, it-Torri, Misraħ Santa Marija, Triq Santa Marija u tispiċċa fil-Knisja. Inħeġġu lir-residenti minn fejn ser tgħaddi l-Via Sagra biex joħorġu xemgħat quddiem djarhom. Inħeġġukom tattendu u ġġibu xemgħa magħkom. )

Taize Meeting – Nhar il-Ħamis 14 ta’ Marzu fis-7:30pm fil-Kappella ta’ San Ġakbu. Kulħadd mistieden.

Lotterija – It-tim tal- Fundraising qed ibigħ xi biljetti għall-istatwa ta’ Kristu Rxoxt b’risq  l-inizzjattiva tal-Parroċċa.

Nitolbu għal ħutna li għaddew għall-ħajja ta’ dejjem matul din il-ġimgħa, Joseph Zahra, Ġużeppa Farrugia, Mary Seisun u Joseph Psaila . Agħtihom o Mulej…

Il-Kummissjoni Djakonija

Fil-ġranet li għaddew reġgħet twaqqfet mill-ġdid il-Kummissjonio Djakonija li tikkonsisti minn 10
membri mill-kommunita’ tagħna u li se tkun imexxija mill-Arċipriet. Waħda mill-missjonijiet ta’
din il- Kummissjoni hi li tiddentifika lil min hu verament fil-bżonn mill-kommunita’ territorjali
tagħna. Biex isir dan għandna bżonn ukoll l-għajnuna tagħkom. Għaldaqstant fil-ġranet li ġejjin se
jkollna “Referral Applications” li wieħed hu nkoraġġut li jimla’ jekk persuna hi f’xi bzonn u jew
jekk jiltaqa’ ma xi ġar jew xi ħadd li jħoss li bħala kummissjoni nkunu nistgħu nkunu ta’
għajnuna. L-applikazzjonijiet jiġu miġbura mill-Arċipriet li jieħu ħsieb li jikkuntatja lil dawk li ġew
riferuti. Jekk dawn jaċċettaw, il-kaz tagħhom jiġi studjat mill-kummissjoni biex jaraw kif jistgħu
ikunu ta’ għajnuna.

Laqgħat

Għall-Anzjani – Nhar it-Tnejn fid-9.00am fl-Oratorju. Imexxi il-laqgħa Felix Schembri.

Għat-Terzjarji Karmelitani – Nhar it-Tlieta fil-Knisja Arciprtetali fl-4.00pm.

Padre Dio – Nhar il- Ġimgħa fil- 5.30pm fil-Kappella ta’ San Gakbu.

Infakkru fil- Korsijiet li jmiss ta’ Ezercizzi spiritwali se jkunu hekk

• Għal Kulħadd fil-Kappella tan-Nigret: 11-15 ta’ Marzu. Il-prietki jkunu fis-6.00 pm
  waqt il-quddiesa. Imexxi Fr Joe Galea.
• Għall-koppji – Bejn il 11 u 15 ta’ Marzu wara il- quddiesa ta’ filgħaxija u se
  jmexxiehom Fr Kevin Schembri.
• Kors ieħor għal kulħadd se jkun organizzat bejn 18 u 22 ta’ Marzu – u jisru waqt il-
  quddiesa ta’ filgħaxija u se jmexxiehom Patri Alfred Scerri.

Kors ta’ Ezercizzi għall-Persuni Separati – Fil-Kurja tal-Arċisqof se jsir ukoll kors għall-Persuni
separati bejn il 11 u 15 ta’ Marzu fis-7.30pm.

Konsulta tal-Fratellanza ta’ San Ġużepp – Nhar il-Ġimgħa fis-6.30pm fl- Oratorju. Il-Fratelli
mistennija li jattendu.

Kwareżimal u lotterija – It-tim tal-Fundraising qed ibiegħu Kwarezimal fuq iz-Zuntier tal-
Knisja b’risq diversi inizzjattivit għall-parroċċa. Kif ukoll qed jinbiegħu xi biljetti għall-Statwa
tal-Kristu Rxoxt b’risq l-istess għan.

Nitolbu għall-oħtna li għaddiet għal ħajja ta’ dejjem matul din il-ġimgħa, Marianna Bellizzi.
Agħtiha oh Mulej…

Illum Ġabra Speċjali għall-Proġetti Kapitali tal- Parroċċa.

Randan

Ħaġa sabiħa li f’dan iż-żmien nippruvaw insibu ħin biex nieħdu sehem f’xi kors
ta’ eżerċizzi.

Il-Korsijiet li jmiss ta’ Ezercizzi spiritwali se jkunu hekk

• Għal Kulħadd fil-Kappella tan-Nigret: 4-8 ta’ Marzu. il-prietki jkunu fis-
  6.00 pmwaqt il- quddiesa. Imexxi Fr Joe Galea
• Għall-koppji – Bejn il 11 u 15 ta’ Marzuv wara il- quddiesa ta’ filgħaxija u
  se jmexxiehom Fr Kevin Schembri.
• Kors ieħor għal kulħadd se jkun organizzat bejn 18 u 22 ta’ Marzu – u
  jisru waqt il- quddiesa ta’ filgħaxija u se jmexxiehom Patri Alfred Scerri.

Il-Ġabra għas-Seminarju li saret fi tmiem il- ġimgħa l-oħra laħqet is- somma ta’
€2,000. F’isem ir-Rettur tas-Seminarju u s-Seminaristi nirringrazzjawkom tal-
ġenerożita’ tagħkom.

Nitolbu għall-ħuna li għadda għal ħajja ta’ dejjem matul din il- ġimgħa, George
Mangion. Agħtih oh Mulej…

28 ta’ Jannar 2024

2 ta’ Frar 2024 – Festa tal-Preżentazzjoni tal-Mulej

Fil-festa tal-Preżentazzjoni tal-Mulej, it-tfal li din is-sena se jagħmlu l-Ewwel Tqarbina se jiġu ppreżentati f’ċelebrazzjoni li se tibda mill-kappella ta’ San Ġakbu sal-knisja Arċipretali.

Il-ġenituri flimkien mat-tfal għandhom jiltaqgħu fil-5.15pm ħdejn il-kappella ta’ San Ġakbu, imbagħad it-tfal bix-xemgħa mixgħula f’idejhom ser jimxu proċessjonalment lejn il-knisja Arċipretali. Fiċ-ċelebrazzjoni t-tfal se jkunu  ppreżentati lil Alla u jagħmlu t-talba formali li jixtiequ jirċievu lil Ġesù Ewkaristija.  Din iċ-ċelebrazzjoni qed tkun ikkordinata mis-Soċjetà tal-Museum. ( F’kaz ta’ maltemp isir kollox ġol Knisja Arċipretali)

Quddiesa Fil- Kappella ta’ Sant Agatha Fl-okkazzjoni marbuta mal-Festa ta’ Santa Agatha, se tiġi ċċelebrata quddiesa fil-Kappella tagħha nhar il- Ħadd,4  ta’ Frar, li ġej fit 3.30pm

Applikazzjonijiet online għad-dħul fl-iskejjel tal-knisja

Ħarġu l- applikazzjonijiet online għad-dħul fl-iskejjel tal-knisja  mill -1 sad- 29 ta’ frar. aktar informazzjoni fuq in-notice board u l-website www.knisja.mt

Nitolbu Għal ħutna li għaddew għall-ħajja ta’ dejjem: Grace Bugeja , Giovanna Inguanez. Agħtihom o Mulej……

31 ta’ Diċembru 2023

IL-Ħadd huwa l-aħħar tas-sena: Fil- 5.00pm Ġesu se jkun espost għall-adorazzjoni tagħna, fis- 6.00pm quddiesa wara jitkanta t-Te Deum u tingħata il-Barka Sagramentali.

• Fil-kappella tan-Nigret ikun hemm quddiesa u Te Deum fil-5.30 pm.
• Fil-kappella ta’ Bubaqra ikun hemm ukoll quddiesa u Te Deum fis-6.30 pm.

It-Tnejn l-Ewwel tas-sena u Jum il-Paċi, il-quddies kollu jkun bħal dak ta’ nhar ta’ Ħadd.

Festa ta’ Ġenerożità b’risq id-Dar tal-Providenza

l-Ewwel tas-Sena, tiġi ċċelebrata Festa ta’ Ġenerożità b’risq id-Dar tal-Providenza; dak inhar ikun hemm Open Day u ġbir ta’ fondi għal din id-Dar li tagħti ħafna mħabba u kenn lil persuni b’diżabilità u li tiddependi mill-Providenza u mill-imħabba tagħna. Il-ġbir li se jsir lejlet u fl-Ewwel tas-Sena se jkun bħala offerta għall-istess skop.

Il-Moviment ta’ Kana qed jorganizzaw żewġ quddisiet ikkonċelebrati minn Mons. Arcisqof Charles J. Scicluna fil-Konkatidral ta’ San Gwann, il-Belt Valletta fil-5.30pm, waħda:

• għall-koppji li zzewġu matul is-Sena 2023 – ha ssir is-Sibt, 06 ta’ Jannar.
• U l-oħra għal dawk li ħa jiżżewġu matul is-Sena 2024 u ħa ssir is-Sibt, 13 ta’ Jannar

Laqgħa ta’ Talb  – Fil- Knisja ta’ Bubaqra, nhar L-Erbgħa fis-6.30pm

Nitolbu għall-ġenituri  li t-tarbija tagħhom Elisa Farrugia  għaddiet għall-ħajja ta’ dejjem matul din il-ġimgħa. Għalhekk ngħidu s-Sliema.

L-Arċipriet flimkien mas-saċerdoti tal-parroċċa jawguraw is-Sena it-Tajba liż-Żrieraq kollha.

24 ta’ Diċembru 2023

Lejlet il- Milied

Fis-5.45 pm, tibda l-purċissjoni tal-Bambin mill-MUSEUM tas-Subien; tasal fil-knisja għas-6.45 pm fejn isir Program qasir u jittellgħu rigali għal dawk preżenti.

Fil-knisja parrokkjali, fil-10.45 pm, jibda r-recital ta’ lejliet Milied; f’nofs il-lejl issir it-translazzjoni bil-Bambin, il-priedka mit-tfal u l-konċelebrazzjoni solenni tal-Lejl tal-Milied.

Fil-knisja tan-Nigret: fid-9.00 pm ssir programm qasir u fl-10.00 pm l-quddiesa tal-Lejl tal-Milied.

Fil-knisja ta’ Bubaqra: fit-8.00 pm jibda programm ta’ għanjiet tal-Milied, pageant u l-prietka tat-tfal; fl-10.00 pm issir il-quddiesa tal-Lejl tal-Milied.

It-Tnejn hija l-Festa Solenni tal-Milied: Il-ħin tal-quddies ikun bħal nhar ta’ Ħadd.

Fr Anton D’Amato se jibda’ uffiċċjalment l-ħidma tiegħu bħala Kappillan ta’ Ħal-Għaxaq, nhar is-Sibt 30 ta’ Diċembru fis6.00pm. Filwaqt li nifirħulu, nitolbu għalih.

IL-Ħadd huwa l-aħħar tas-sena: Wara l-quddiesa tas-6.00 pm isir il-kant tat-Te Deum.

• Fil-kappella tan-Nigret ikun hemm quddiesa u Te Deum fil-5.30 pm.
• Fil-kappella ta’ Bubaqra ikun hemm ukoll quddiesa u Te Deum fis-6.30 pm.

Nhar is-Sibt Mill-4.30 pm ‘il quddiem ikun hawn saċerdoti għall-qrar.

It-Tnejn l-Ewwel tas-sena u Jum il-Paċi, il-quddies kollu jkun bħal dak ta’ nhar ta’ Ħadd.

Festa ta’ Ġenerożità b’risq id-Dar tal-Providenza: l-Ewwel tas-Sena, tiġi ċċelebrata Festa ta’ Ġenerożità b’risq id-Dar tal-Providenza; dak inhar ikun hemm Open Day u ġbir ta’ fondi għal din id-Dar li tagħti ħafna mħabba u kenn lil persuni b’diżabilità u li tiddependi mill-Providenza u mill-imħabba tagħna. Il-ġbir li se jsir lejlet u fl-Ewwel tas-Sena se jkun bħala offerta għall-istess skop.

Infakkru li il-Wirja ta’ Presepji fil-Kappella ta’ Sant’ Andrija,(tax-Xarolla).tkun miftuħa mill-5 u nofs sas-7 u nofs. Sa nhar l-Erbgħa

Nitolbu għal  Carmel Camilleri li għadda għall-ħajja ta’ dejjem matul din il-ġimgħa: Agħtiha, o Mulej, …

L-Arċipriet flimkien mas-saċerdoti tal-parroċċa jawguraw Milied ħieni liż-Żrieraq kollha.

17 ta’ Diċembru 2023

Novena tal- Milied : Nkomplu bin-novena tal-Milied. Infakkru li għal matul in-Novena fil-Knisja Arċipretali, ħdejn l-artal hawn qfief fejn jistgħu jitpoġġew oġġetti ta’ ikel biex jitqassmu lill-familji fil-bżonn tal-parroċċa.

LOOP Djakonija Parroċċi  li tqassam diversi ikliet b’xejn matul is-sena madwar malta kollha qed tniedi kampanja ġbir ta’ fondi  biex inkunu nistgħu nsostnu din l-inizzjattiva’. Min hu interessat li jgħin hu mitlub li jiġbor envolop minn ħdejn il-bieb ta’ barra.

Cake Sale u ħelu tal-Milied: Organizzat mit-Tim tal- Fundraising, Youthfusion u l-Grupp tal-Abbatini b’risq id-dar tal-Providenza u xi gruppi oħra. Fuq iz-Zuntier tal-Knisja.

It-tim tal-fundraising qed jorganizza lotterija b’ risq proġetti tal-parroċċa. Statwa tan-Natività fiċ-ċeramika.   

Is-Sibt mill-4.30pm se jkun hawn Sacerdot Barrani għall-qrar.

Il-Ħadd huwa Lejliet il-Milied:

• Fis-5.45 pm, tibda l-purċissjoni tal-Bambin mill-MUSEUM tas-Subien; tasal fil-knisja għas-6.45 pm fejn isir Program qasir u jittellgħu rigali għal dawk preżenti.
• Fil-knisja parrokkjali, fil-10.45 pm, jibda r-recital ta’ lejliet Milied; f’nofs il-lejl issir it-translazzjoni bil-Bambin, il-priedka mit-tfal u l-konċelebrazzjoni solenni tal-Lejl tal-Milied.
• Fil-knisja tan-Nigret: fid-9.00 pm ssir programm qasir u fl-10.00 pm l-quddiesa tal-Lejl tal-Milied.
• Fil-knisja ta’ Bubaqra: fit-8.00 pm jibda programm ta’ għanjiet tal-Milied, pageant u l-prietka tat-tfal; fl-10.00 pm issir il-quddiesa tal-Lejl tal-Milied.

It-Tnejn hija l-Festa Solenni tal-Milied: Il-ħin tal-quddies ikun bħal nhar ta’ Ħadd.

Wirja ta’ Presepji fil-Kappella ta’ Sant’ Andrija,(tax-Xarolla).tkun miftuħa mill-5 u nofs sas-7 u nofs.

Infakkru fil-Maratona ġbir ta’ fondi ‘Minn Qalb iż-Żrieraq’ għall-Fondazzjoni Step Up for Parkinson’s.   taħt it-tinda, organizzata mill-Għaqda Karmelitana Banda Queen Victoria.

Doninu Malta  qed jistiednu lill-Anzjani u residenti li jgħixu waħedhom għall- ikla ta’ nofsinhar, nhar il-Ħadd fiċ-Ċentru tal-Anzjanita’ attiva. Bla Ħlas. Min hu interessat ikellem lis-Sindku Rita Grima.

Mobile Blood Donation Unit:  ħdejn il-Kunsill Lokali.( illum il-Ħadd filgħodu)

Nitolbu għal Nina cassar u Helen D’Amato  li għaddew għall-ħajja ta’ dejjem matul din il-ġimgħa: Agħtihom, o Mulej, …