Posts in category: Avviżi

Avviżi tal-Parroċċa  

21 ta’ Mejju 2023

Tberik 2023 – Inkomplu bil-quddies u t-tberik fiż-żoni: il-quddiesa tibda fis-7.15pm.

Nhar it-Tlieta – Żona 13: Il-quddiesa se ssir fi Triq l-Arċipriet Mifsud.

Din iż-żona tinkludi dawn it-toroq: Fra Luca Zurki, Zaccaria Roncalli, Santa Fawstina, Mitlaq, Skulturi Fabri, Isourd Xuereb, San Ciru, Triq it-Torri, Imtali, San Porfirju, Costantinu Farrugia, Salvu Saliba, Giebja, Arcipriet Mifsud

Nhar il-Ġimgħa – Żona 14: Il-quddiesa se ssir fi Triq Ġnien il- Bennej.

Din iż-żona tinkludi dawn it-toroq: Vjal ix-Xarolla, Toroq Testaferrata, Rokku Buhagiar, De Mello, Francesco Zahra, Dun Mikiel Dámato, M. Perez Dáleccio, San Pawl, Sajjieda, Arturo Dimech, Fonzu Gauci, Kalang Saliba, Leli Camilleri, 23 ta’Lulju 1942

Min ma setax jingħaqad fiż-żona tiegħu, hu mitlub li jingħaqad f’żona oħra. Dawn huma l-aħħar żewġ  żoni minn din l-iskema tat-tberik għal din is-sena.

Nhar l-Erbgħa huwa l-aħħar Erbgħa tal-Madonna tal-Karmnu. Fis-6.00pm jitkanta l-għasar, fis-6.30pm quddiesa bil-prietka u wara kurunella fuq l-altar tal-Madonna tal-Karmnu, jitkanta t-Te Deum u tingħata l-Barka Sagramentali. Il-quddiesa se tkun animata mill-Banda Queen Victoria.

Taizè Meeting Mument ta’ talb u riflessjoni fuq stil Taizè, nhar il-Ħamis 25 ta’ Mejju fis-7.45pm. Dan il-mument hu miftuħ għal kulħadd.

Nhar il-Ħadd 28 ta’ Mejju se ssir l-Inawgurazzjoni uffiċjali tat-tieqa il-kbira tal- Knisja Arċipretali li nbidlet f’dik ta’ Stained Glass bl-immaġni ta’ Santa Katarina fuqha. Fil-5.15pm se jsir programm żgħir u d-diskorsi. Fis-6.00pm jkollna quddiesa ta’ radd il-ħajr. Din l-inawgurazzjoni qed issir flimkien mas-Soċjetà Mużikali Santa Katarina.

• Proġett Pitturi tal-Lunetti. Tajna bidu għall-Proġett tal-Pitturi tal-Lunetti. Nibqgħu nappellaw ukoll għall-ġenerożità tagħkom biex inkunu nistgħu nifdu l-ispejjeż. Nirringrazzjaw lil dawk li qed jgħinu.

• Laqgħa għal dawk interessati fil-Liturġija.

Infakkru fil-laqgħa għal dawk interessati fil-liturġija, bit-tema ‘Lejn Liturġija li tattirana u tbiddilna’. Il-kelliem se jkun Goffredo Boselli, konsulent tal-Kummissjoni għal-Liturġija tal-Konferenza Episkopali Taljana. Il-laqgħa ser tkun nhar it-Tlieta li ġej fis-Seminarju tal-Arċisqof, Tal-Virtù, ir-Rabat u tibda fis-7.00pm. Dawk kollha interessati li jattendu huma mitluba jirreġistraw fuq: parrocci.knisja.mt

Nitolbu għal oħtna Konsulata Farrugia li għaddiet  għall-ħajja ta’ dejjem matul din il-ġimgħa. Agħtiha, o Mulej…

Avviżi tal-Parroċċa  

14 ta’ Mejju 2023

Tberik 2023 – Inkomplu bil-quddies u t-tberik fiż-Żoni: il-quddiesa tibda fis-7.15pm.

Nhar it-Tlieta – Żona 11: Il-quddiesa se ssir fi Triq il-Qiegħa. Din iż-żona tinkludi dawn it-toroq: Vjal l-Indipendenza minn Sant’Agatha Complex sa Triq Bubaqra, Toroq Bubaqra, Kalanġ Bugeja, Tin, Fortunat Dalli, Hompesch, Qiegħa, Dun Nard Mallia, San Bastjan u Sardinell.

Nhar il-Ħamis – Żona 12: Il-quddiesa se ssir fi Triq Fra G. Zammit. Din iż-żona tinkludi dawn it-toroq: Vjal l-Indipendenza minn Triq Bubaqra san-Nigret, Toroq Zacaria Roncalli, Ta’ Ciantar, G.M. Callus, Fra GanMari Zammit, Torri, San Ġorġ Preca u Passju.

Min ma setax jingħaqad fiż-żona tiegħu, hu mitlub li jingħaqad f’żona oħra.

Proġett – Tibdil tat-tieqa il-Kbira

Beda il-proċess biex tinbidel it-Tieqa il-Kbira tal-Knisja Arċipretali f’dik ta’ Stained Glass bl-imaġni ta’ Santa Katarina fuqha. L-Inawgurazzjoni se jsir nhar il-Ħadd 28 ta’ Mejju2023 fil- 5.00pm . Ħajr lil Każin ta’ Santa Katarina li ħa ħsieb dan il-proġett u lil kull min għen.

Proġett Pitturi tal-Lunetti.

Ser nagħtu bidu għall-Proġett tal-Pitturi tal-Lunetti. F’dawn l-aħħar ġranet inxtraw it-travi u l-injam li għandna bżonn għal dan il-proġett. Spiża li laħqet is-16,500 ewro. Nhar is-Sibt  filgħodu se nibdew inqegħduhom f’posthom. Għalhekk jekk hawn min fiżikament b’saħħtu li lest li jgħinna, importanti li javviċinana. Nibqgħu nappellaw ukoll għall-ġenerożità tagħkom biex inkunu nistgħu nifdu l-ispejjeż. Navzaw li l-quddiesa tat-8.00am ta’ nhar is-Sibt se ssir fil-kappella ta’ San Ġakbu.

Irtir għat-Terzjarji Karmelitani.

Min hu interessat javviċina lil Carmen Farrugia sa nhar l-Erbgħa.

Laqgħa għal dawk interessati fil-Liturġija

L-Arċidjoċesi ta’ Malta qed torganizza laqgħa għal dawk interessati fil-liturġija, bit-tema ‘Lejn Liturġija li tattirana u tbiddilna’. Il-kelliem se jkun Goffredo Boselli, konsulent tal-Kummissjoni għal-Liturġija tal-Konferenza Episkopali Taljana. Il-laqgħa ser tkun nhar it-Tlieta, 23 ta’ Mejju 2023 fis-Seminarju tal-Arċisqof, Tal-Virtù, ir-Rabat u tibda fis-7.00pm. Dawk kollha interessati li jattendu huma mitluba jirreġistraw fuq: parrocci.knisja.mt

Il- Ħamis fis-6.30pm issir il-quddiesea għal dawk li mietu fix xahar ta’ April

Illum,  il-Ħadd  quddiesa fiċ-ċimiterju b’suffraġju tal-ommijiet mejtin fis-7.00pm. f’kaz ta riħ qawwi u jew xita issir fil knisja ta’ Bubaqra.

Nitolbu għal ħutna Mary Bonello u Joseph Farrugia li għaddew għall-ħajja ta’ dejjem matul din il-ġimgħa.Agħtihom, o Mulej…

Avviżi tal-Parroċċa  

30 ta’ April 2023

Tberik 2023

Inkomplu bil-quddies u t-tberik fiż-Żoni :Il-quddiesa tibda fis-7.15pm.

Nhar it-Tlieta Żona 7:  Il-quddiesa se ssir fil-Ġnien l-Ewropa. Din iż-żona tinkludi dawn it-toroq: Misrah ir-Republika, Sqaq il-helu, L-Iben il-hali, Triq San Mikiel mill-pjazza sal-Bronja, Triq il-karmnu u Triq San Bert bl-isqaqien taghhom, Toroq it-Tjieba, Alessandru, Barcelona, Sant Andrija, San David, u Wesgha JM Cassar

Nhar il-Ħamis Żona 8: Il-quddiesa se ssir fi Triqil- Ġibjun Sa. Din iż-żona tinkludi dawn it-toroq: Triq il-Kuncizzjoni, Triq il-Mithna, San Mark, Dejqa, Barrieri, Nigret, Madre Tereza Nuzzo, l_Imdawra, Wied Ganu, Wardija, Munqar, Wahx, Franzina,

Festa ta’ San Ġużepp

Nhar il-Ħadd li ġej, fil-parroċċa tagħna niċċelebraw il-festa ta’ San Ġużepp. Fis-6.00 pm jkollna quddiesa kantata bis-sehem tal-kor parrokkjali u wara purċissjoni li tgħaddi mit-toroq tas-soltu.

Laqgħa għall-anżjani Nhar it-Tnejn  fid-9.00am.

Laqgħa ta’ talb: nhar l-Erbgħa fil-knisja ta’ Bubaqra fis-7.00pm.

Konsulta tal-Fratellanza ta Santu Rokku –nhar il-Ġimgħa li ġej wara il- quddiesa tas-6.30pm

Gurnata Adorazzjoni:

Is-Sibt 6 ta’ Mejju se ssir Ġurnata Adorazzjoni Ewkaristika fil-Museum tas-Subien, mit-8:00am sat-8:00pm. Kull saghtejn, 9:30am, 11:30am, 1:30pm, 5:30pm u 7:30pm ikun hemm ħin ta’ talb organizzat mit-talb ta’ San Ġorġ Preca. Fit-3:00pm tingħad il-kurunella tal-Ħniena Divina. Dakinhar ma jkunx hemm Adorazzjoni f’San Ġakbu

Kelma Tal-Ħajja: Infakkru id-distributuri tal-Kelma tal-ħajja biex jiġbru il-koppji mis-sagristija.

Lotterija Salib: Numru Rebbieħ Rosa Serie: JKL numru 160.

Nitolbu għal ħutna li għaddew għall-ħajja ta’ dejjem matul din il-ġimgħa: Nina Chircop u Josef Cassar . Agħtihom, o Mulej…

Illlum Jum il- Karita’

Avviżi tal-parroċċa – 23 ta’April 2023

Tberik 2023 
Inkomplu bil-quddies u t-tberik fiż-Żoni
Il-quddiesa tibda fis-7.15pm. Qabel il-quddiesa se jkun hemm is-servizz tal-qrar u wara l-quddiesa mħeġġin tibqgħu ftit tal-ħin flimkien biex nitkellmu ftit bejnietna f’atmosfera soċjali.

Nhar it-Tlieta Żona 5:  Il-quddiesa se ssir f’ Misraħ il-Karmelitani, biswit Triq Babu. Din iż-żona tinkludi dawn it-toroq:
Triq Wied Babu, Togores, Mizieb, Gianferli, Zondadari, Gio Batta Saydon, Frangisk Coleiro, Benedittini, Luret Zammit, Guzepp Farrugia, U Misrah San Gorg, Triq il-Kangu, Widnet il-Baħar, Karmnu Zammit, GM Borg, Xandru D’Amato, wied, Ferdinandu Falzon, Frangisk Bugeja, Merill, Antonia Farrugia, Qroll u Tunnara. Blue Grotto Ave. Minn Wied Babu sat-Tunnara
 
Nhar il-Ġimgħa Żona 6: Il-quddiesa se ssir fi Triq Kan Vinc. Blazan. Din iż-żona tinkludi dawn it-toroq:
It-Toroq kollha fiz-zona tal-Bebbux I u II, mit-Triq tal-Qrendi sat Triq Hal Millieri

Laqgħa tal-grupp Padre Pio: Il-Ħamis, fil-Kappella ta’ San Ġakbu, fil-5.30 pm.
 
 
Taize Meetings
Mument ta’ talb u riflessjoni fuq stil Taize’  nhar il-Ħamis, li ġej, 27 ta’ April fis-7.30pm.
Dan il-mument hu miftuħ għal kulħadd.
  
Jum il-Karita’
• Nhar il- Ħadd, 30 ta’ April, il-Knisja f’Malta tiċċelebra JUM IL-KARITA: matul din il-ġimgħa se jkun hawn qfief biex fihom jitpoġġew offerti ta’ ikel għall-istituti tal-knisja; din  is-sena l-offerti tagħna se jmorru għad-dar tat-tfal Santa Tereża tas-sorijiet tal-parroċċa tagħna; barra dan, il-ġbir tal-weekend li ġej se jmur bħala offerta b’risq il-ħidma u d-djar ta’ karità li l-Knisja għandha f’pajjiżna; bl-offerta tagħna nkunu qed ngħinu tfal, żgħażagħ u familji li huma fil-bżonn u għaddejjin minn diffikultajiet. Inkunu ġenerużi.
 
Nitolbu għal ruħ Andrew Abdilla li għadda għall-ħajja ta’ dejjem matul din il-ġimgħa: Agħtih, o Mulej.

Avviżi tal-parroċċa

9 ta’April 2023

Tberik 2023

Kif avżajna, ħsibna li din is-sena noħorġu b’idea li għandha sservi ta’ opportunità biex niltaqgħu flimkien minkejja li raħalna kiber ġmielu u ftit diffiċli li fix-xahrejn ta’ wara l-Għid il-Kbir induru l-familji kollha. Din għandha sservi ta’ opportunità li tinvolvu ruħkom fit-tberik tal-familja tagħkom u ta’ darkom.

Għaldaqstant qsamna l-parroċċa f’14-il żona, fejn f’kull żona se tkun iċċelebrata quddiesa għan-nies tal-madwar. Wara l-quddiesa, kull familja tingħata kontenitur bl-ilma mbierek u santa tat-tberik. B’hekk membru tal-familja jista’ jbierek lill-familja u d-dar.

Il-quddiesa tibda fis-7.15pm. Qabel il-quddiesa se jkun hemm is-servizz tal-qrar u wara l-quddiesa mħeġġin tibqgħu ftit tal-ħin flimkien biex nitkellmu ftit bejnietna f’atmosfera soċjali.

Il-quddies li qed isir fil-knejjes tagħna se jibqa’ jsir b’mod normali, u l-quddiesa fiż-żona hija għal dawk li jgħixu f’dik iż-żona.

Se nibdew bl-ewwel żona, nhar it-Tlieta li ġej. Il-quddiesa se ssir ħdejn is-salib ta’ Triq il-Kbira. Din iż-żona tinkludi dawn it-toroq: Triq il-Kbira u l-isqaqien tagħha, Misraħ Mattia Preti, Triq il-Ħaddiema minn Mattia Preti sal-Bajjada, Triq iċ-Ċombini, P.P. Saydon, San Nikola, Bizzilla, San Pietru, San Leopoldu, Federiku, Warda, San Ġwann, San Ġorġ, San Luqa, il-Fjuri, l-Inġiniera, Burlanġasa, Sqaq San Lawrenz u l-Imdawwar.

Il-Ħamis jkollna t-tieni żona: il-quddiesa se ssir fi Triq Matteolo Saliba. Din iż-żona tinkludi dawn it-toroq: Triq San Martin minn Bronja sa Vjal l-Indipendenza, Triq il-Bronja, Matteolo Saliba, Francis Falzon, is-Sienja, Dun Vincenz Schembri, Zimmerman Barbaro, Marjanu Gerada, Salvu Psaila, Vincenzo Dimech, Taħħan u Dun Ġwann Camilleri.

Nhar l-Erbgħa jibdew l-Erbgħat tal-Karmnu: fis-6.00pm jingħad ir-Rużarju u fis-6.30pm ssir il-quddiesa bil-prietka minn Patri Karmelitan. Wara tingħad il-Kurunella u barka sagramentali. Matul l-Erbgħat ikun hawn qassis barrani għall-qrar mill-5.00pm ’il quddiem.

Nhar il-Ħadd li ġej hija l-Festa tal-Ħniena Divina: is-Sibt fil-5.30pm issir l-adorazzjoni tal-Ħniena Divina u wara nkomplu bil-quddiesa. Inħeġġu lil kulħadd biex jieħu sehem.

Nhar il-Ħadd, fl-10.30am ser issir il-laqgħa ta’ formazzjoni għall-fratelli tal-fratellanzi kollha fil-kappella ta’ San Bert. Imexxi Fr Stephen Attard.

Nitolbu għal ruħ Carmelo Mangion li għadda għall-ħajja ta’ dejjem matul din il-ġimgħa: Agħtih, o Mulej, …

F’isem is-saċerdoti, nawguraw lill-familji kollha tal-parroċċa l-Għid it-Tajjeb.

Avviżi tal-Parroċċa
2 ta’ April 2023

Qegħdin nagħtu bidu għall-Ġimgħa Mqaddsa: Il-funzjonijiet ikunu animati mill-Kor Parrokkjali CANTATE DOMINO

It-Tnejn, wara l-quddiesa ta’ filgħaxija, issir Via Sagra Solenni fil-knisja Arċipretali.

Ħamis ix-Xirka:

Il-funzjoni tkun fis-6.30pm.

Fit-8.00pm jibdew l-adorazzjonijiet quddiem Ġesù Sagramentat.(Kummissjoni Liturġija)

Fid-9.00pm: adorazzjoni mmexxija mill-fratellanzi tal-parroċċa.

Il-viżti u l-adorazzjonijiet jibqgħu għaddejjin sa 12.00am.

Il-funzjoni fil-kappella tan-Nigret tkun fis-6.00pm u fil-knisja ta’ Bubaqra fis-6.30 pm.

Il-Ġimgħa ssir it-Tifkira tal-Passjoni u l-Mewt ta’ Sidna Ġesù Kristu.

Fis-6.30am jibdew l-adorazzjonijiet.

Fit-8.00am tingħad it-talba tal-Uffiċċju tal-Qari u t-Tifħir ta’ Sbiħ il-Jum immexxija mis-saċerdoti.

Fid-9.00am adorazzjoni mmexxija mill-membri tal-MUSEUM.

Fl-10.30am adorazzjoni mmexxija miż-żewġ għaqdiet mużikali tal-parroċċa.

Fil-knisja Arċipretali, fil-kappella ta’ Bubaqra u fil-kappella tan-Nigret, il-ħin tal-funzjoni jkun fit-3.00pm.

Is-Sibt Qaddis tal-Għid: Fil-knisja Arċipretali, fil-kappella ta’ Bubaqra u fil-kappella tan-Nigret, il-ħin tal-funzjoni jkun fit-8.00pm.

Il-Ħadd: L-Għid il-Kbir:

Il-quddies ikun kollu bħal ta’ nhar ta’ Ħadd. (Wara ż-żewġ quddisiet tat-tfal, dik tat-8.30am u dik tad-9.30am jsir it-tberik tal-figolli)

Laqgħa għall-Anzjani: nhar it-Tnejn, fid-9.00am fl-Oratorju. Imexxi s-Sur Felix Schembri.

Laqgħa tat-Terzjarji Karmelitani u devoti tal-Madonna: nhar it-Tlieta fl-4.00pm fil-knisja Arċipretali.

Fundraising

• Ħarġa għal Għawdex: nhar is-Sibt, 15 ta’ April. Min hu interessat ikellem lil xi ħadd tal-Grupp tal-Fundraising.
• Inedejna wkoll lotterija – Salib Kbir ibbanjat bil-fidda.

Il-ġabra għas-seminarju kienet  ta’ €1,700.

Nitolbu għal ħutna: Vincent Darmanin, Catherine Sammut u Tereża Cachia mill-parroċċa tagħna li għaddew għall-ħajja ta’ dejjem din il-ġimgħa: Agħtihom, o Mulej, …

 Illum l-Ewwel Ħadd tax-xahar: il-ġabra b’risq il-knisja – inkunu ġenerużi